Pfarrchile St. Anton

Zerscht hets z Wettige numme d Pfarrei St. Sebastian mit de Dorfchile gäh. Wo Wettige in de Folg vo de Induschtrialisiirig aber immer me gwachsen isch und d Aazahl vo de Katholike ebefalls, isch d Idee entschtande, e zweiti Pfarrei z errichte. D hät au Plän gäh, de weschtlich Teil vo Wettige mit de Quartiir vo Bade, wo rächts vo de Limmat liget zu ere Pfarrei zämme z fasse. Wo d Chile z Ennetbade bauet worden isch, isch für d Wettiger Katholike aber klar worde, dass si en eigedi Lösig müent sueche. Us dem Grund isch im 1932i im Langeschtei- und im Alteburgquartiir e Chilebauverein gründt worde. Im Quartiir hets in dere Zit öppe 1300 Katholike gha. nach einigem Hin und Her het de Chilebauverein chönne Land chaufe und hets Grundstück und s Vermöge im 1948i an d Chilegmeind übergäh, damit e noii Chile het chönne bauet werde. Am 13. Juli 1952 isch de Bauplatz igsegnet worde und am 18. Juli 1954 het d Chile chönne iigweiht werde.

Quelle und witerführendi Informatione: http://de.wikipedia.org/wiki/St._Anton_%28Wettingen%29

Advertisements