Di 4. Chlosterspiel z Wettige sind verbi und die Organisatore sind derbi, Bilanz z ziehe. 5000 Zuschauerinne und Zuschauer sin in dem Johr cho, also öppe 2000 weniger, wi vor drü Johr, wo «De Franzos im Aargau» gspielt worden isch. Möglichi Gründ – und vermuetlich hei alli e chli dezu bitrait – sind de Räge, d Schauspieler und d Läserbrief. De Sommer isch nass gsi, wo sicher de ei oder di ander vom Bsuech abghalte het. Zum erschte Mol hei vor allem Profischauspieler mitgspielt. Das het d Qualität vom Schauspiel verbesseret, uf de andere Site isch Stück dadurch nöd so fest in de Bevölkerig verankeret gsi. Au d Leserbrief, wo s Stück teilwiis als obszön bezeichnet hei, hei vilicht gschadet, aber es chönnti au di ei oder de ander bewegt ha, selber goh z luege. Uf jede Fall wot de Verei Wettiger Chlosterspiel, wo vo de Maja Wanner präsidiert wird, d Situation genau analysiere und für die 5. Chlosterspiel im 2017 di entsprechende Konsequenze ziehe.
Quelle: http://www.aargauerzeitung.ch/aargau/baden/regen-truebt-die-bilanz-der-klosterspiele-128236977
«Viel Lärm um nichts»
Wettiger Nochrichte 