Em Iiwohnerrot liegt für sini Sitzig am 4. September en Aatrag vo de Füürwehrkommission vor. Es goht um d Beschaffig vo ere Wächselpritsche mit eme Krane. De Krane, wo d Füürwehr im Momänt het, isch am Pionier- und Atemschutzfahrzüg (PIF) aabrocht, wo – so stohts in de Vorlag für de Iiwohnerrot – im 2018 müesst ersetzt werde. Wenn das Fahrzüg dann aber mit eme Krane dät usgstattet werde, dann wärs zu schwer, um vom AGV Subventione z übercho. Gliichzitig het sich zeigt, dass de Kran am PIF scho jetzt nöd die Leistig cha bringe, wo dät bruucht werde. Will d Füürwehr im Frühjohr für d Ölwehr es Wächselladefahrzüg übercho het, isch es jetzt möglich, e Wächselpritsche mit eme Kran z chaufe, so dass me numme dann de Krane muess mitneh, we me ihn au bruucht. Us dene Gründ het d Füürwehrkommission en Kreditaatrag vo CHF 130’000.- gstellt, über denn de iiwohnerrot in sinere nächte Sitzig wird entscheide.
Einwohnerrat, Sicherheit, Wettingen
D Füürwehrkommission beatragt e Wächselpritsche mit Kran
Wettiger Nochrichte 