Mit de Kreditabrechnig isch de Umbau vom Bahnhof abgschlosse

De Wettiger Bahnhof isch e langi Ziit für Chinderwäge und Rollstüehl keis Vergnüege gsi. Mit em Umbau vo Endi 2011 bis ins 2013 isch das alles Vergangeheit. Mit ere Rampe zu de Unterführig und em Gleis und eme Lift zum Perron vo Gleis 3 und 4 isch de Bahnof jetzt Rollstuhlgängig. Au de Bahnhofsplatz und d Gebäud hei mit em Busterminal, em noie Kiosk, em Migrolino, de Veloständer und em renovierte Empfangsgebäud grossi Ernoierige erfahre. Zudem sind Perrondächer ernoieret worde. De ganz Umbau het CHF 8’750’000 chost, vo dene d Gmeind Wettige CHF 800’000 het welle pauschal überneh. D Kreditabrechnig liegt jetzt im Iiwohnerrot für sini nächsti Sitzig am 4. September vo, so dass me cha säge: De Umbau vom Bahnhof isch danach würklich abgschlosse und Wettige cha sich – nach oisere Meinig – über di glungeni Umgstaltig froie.