In de NZZ vo hüt (online bisher leider nöd ufgschalted) isch en interessanter Artikel über Wettige publiziert worde. D Autorin Dorothee Vögeli frogt nach em Charakter vo Wettige, wo sie zwüsche Chloster und Lägerehang suecht, aber nöd wirklich findt. Im Gspröch mit em Historiker Bruno Meier erfahrt sie öppis vo de Visione vo de 1950er und 1960er-Johr, em Aagfangene, aber nöd vollendete urbane Zentrum ums Rothuus und d Hochhüser. Im Dorf finded sie viel Kultur, über die de Kurator vom Museum Eduard Spörri, de Rudolf Velhagen sait: “Das Potential ist da”, aber es brüüchti Investitione, um es chönne z nutze.
Und hier isch de versprochnig Link: http://www.nzz.ch/zuerich/wettinger-wuerfe-und-brueche-1.18370171
Wettiger Nochrichte 