D Pfarrei St. Anton fieret in dem Johr s 60-jährigi Bstoh vo de Chile. Scho im Juni isch d Patroziniumsfiir es grosses Jubiläumsfäscht gsi, aber noch sind Jubiläumsfiire nöd vorbi. Am Suntig, 14. September 2014 ab em föifi git’s es Jubiläumskonzert.De Antonius-Chor Wettige wird bi dem Konzert, zämme mit em Chilechor Cäcilia Spreitebach und de Bridge Singers Würelos d “Krönigsmess” vom Wolfgang Amadeus Mozart ufführe. Die Mess isch vermuetlich im 1779 z Salzburg entstande und bi de Krönig vom Kaiser Franz II. zum erste Mol bruucht worde. De Name “Krönigsmess” isch erst im 1873 schriftlich belegt. Am 14, Septmber erklingt sie nöd bi ere Krönig, sondern – wie obe scho gschriebe – zum Jubiläum vo Chile, Pfarrei und Chilechor.
Wettiger Nochrichte 