Nach oiserne Informatione het es gester öppe um d Mittagsziit rund um d Furttalchrüzig es Vercherschaos gäh. Leider hei mir weder uf de Homepage vo de Regionalpolizei noch bi de Kantonspolizei Hiwiis gfunde, wo oiseri Informatione vo unabhängiger Site chönnt bstätige. Einzig en Iisatz, wo uf de Website vo de Füürwehr Wettige vermerkt isch, bestätiget oiseri Recherche. So het öpper in de Nöchi en Baum gfällt und dänkt, der sigi chürzer, wie er letztendlich gsi isch. De Baum het dann e Hochspannigsleitig abgrisse, so dass d Füürwehr und Polizei d Stroose in de Umgebig het müesse sperre.

Es härzlichs Dankeschön oiserne Läserinne und Läser uf Facebook für die zusätzliche Informatione.