S Pfyfferhuus, wo an de Ecki vo de Seminar- und de Bahnhofstroos gstande isch, isch im Sommer 2013 abgrisse worde. Obwohl s Huus im Kurzinventar vo de Kulturgüter vo de Gmeind Wettige verzeichnet gsi isch, het de Gmeindrot em Abriss zugstimmt. So isch das historische Gebäud, wo erscht es Postamt und dann e Apothek isch gsi, verlore gange. Meh wie eis Johr isch s Gländ numme e Baugrueb gsi.
Sit e paar Täg duet sich derte aber öppis. D Baugrueb isch vergrössered und d Site vo de Grueb sind betoniert worde. D Bsitzer, d KMP Architektur AG wird derte es Bürogebäud erstelle.
Wer erinnered sich no ans Pfyfferhuus?
Wettiger Nochrichte 