In de Galerie vom Gluri-Suter-Huus isch sit knapp ere Wuche e ganz bsunderi Usstellig z bsueche. «Graphik des Expressionismus» us de Sammlig Schaufelberger. De Fritz Schaufelberger, wo vo 1920 bis 2006 gläbt het, het Holzschnitt, Radierige und Lithografie vo wichtige Verträter vom Expressionismus gsammlet. Zum erschte Mol sind die Werch in sinere Heimat z gseh. Gliich ob vom Paul Klee, em Wassily Kandinsky, em Erich Heckel, em Max Pechstein, em Emil Nolde oder em Ernst Ludwig Kirchner. D Liste vo berüehmte Künstler isch lang, wo me bis zum 14. Dezember 2014 im Gluri Suter-Huus cha aaluege.
Öffnigszite: jewils vo Mittwoch bis Samstig vo 15 bis 18 Uhr und am Sunntig vo 11 bis 17 Uhr.
Öffentlichi Führige gits am Sunntig, 2.11 durch de Paul Tanner, de Leiter vo de Graphische Sammlig vo de ETH z Züri und am Sunntig, 30.11. durch de Rudolf Velhagen, Leiter vo de Galerie. Beidi Führige fanged um elfi aa.
Quelle: http://www.aargauerzeitung.ch/aargau/baden/hochkaraetige-werke-des-expressionismus-128498721
Wettiger Nochrichte 