Am Fritig, 7. November het d Füürwehr Wettige uf di sibni zu de Hauptüebig an d Zentralstroos 133 iglade gha. De Bsuecher het sich derte d Situation öppe so präsentiert: En Tanklastwage isch mit eme PW zamedätscht gsi. D Füürwehr isch mit vilne Auto und Füürwehrmanner und -fraue cho lösche und rette. De PW het brönnt, Lüt hei us de Fahrzüüg müesse gholt werde und de Hubretter het anderi vom Dach gholt.
Au wenn me als Laie nöd alles het chönne überblicke, so isch es doch beruhigend, dass de Iisatzleiter und d Füürwehr alles im Griff hei.
P.S: Es grosses Danke an de Markus Haas für d Erlaubnis, sini Föteli z bruuche 🙂
Wettiger Nochrichte 