Wie s Badener Tagblatt/d Aargauer Zitig hüt brichtet, isch Wettige bi de Iiwohnerzahl sit Endi Oktober numme no uf em zweite Platz im Kanton. Sit de Fusion mit de Gmeind Rohr isch ois Aarau “uf de Färse” gsi und het mit 20’379 Iiwohner d Nase um öppe 70 Lüt vorne gha. Wie lang das so wird bliibe, das weiss niemed, denn au z Wettige wird witerhin baued und verdichted, so dass d Iiwohnerzahl au chönnti wider stiige. De Gmeindsamma, de Markus Dieth lahd sich in de AZ so zitiere: «Wir gratulieren Aarau. Die Einwohnerzahl ist auch nicht so wichtig.» De Fokus vo de Gmeind sig, mit guete Dienstleistige für d Iiwohner attraktiv z si.
Für alli, wo gliichwohl e chlii truurig über de zweite Platz sind: Wettige het kei Fusin bruuchd, um di gröschti Gmeind im Kanton z si!
(Foti vo Wikimedia commons: User:LuFiLa Lizenz: cc-by-sa-3.0)
Wettiger Nochrichte 