Bsunders in de Stosszite isch z Wettige d Landstroos, aber au d Schwimmbad- und anderi Strosse belastet. Das isch nöd numme z Wettige eso, sondern in de ganze Region um Bade und Wettige umme. Will näbem Verkehr, wo numme kurzi Strecke wot zrückläge, au vili Auto ins Untere Aaretal oder ins Surbtal welle oder vo dort chömmed, isch e grossrümigi Verkehrplanig wichtig. Bisher sind alli Tunnelprojäkt, wo de Verkehr vom untere Aaretal schnell und möglichst  direkt uf d A1 hei welle bringe, gschiteret. De Verkehr verteilt sich also witerhinüber d Region Brugg und Bade-Wettige und es isch im Zufall überlah, ob en Automobilist di “richtig” oder die “falsch”, will vo viel Stau betroffeni, Rouete wählt. Das soll sich im 2018 ändere, wie AZ-Online mitteilt. Mit ere flexible Beschilderig söll d Autofahrer den Wäg, wo am wenigste mit Stau belastet isch, finde.

Mir sind gspannt, ob das en Entlastig z Wettige bringt, befürchte aber, dass de Verkehr bis in vier Johr so zuenimmt, dass es wenig wird nütze.