Da dra, dass de Markus Dieth hüt zum Grossrotspräsident 2015 gwählt wird, da dra bstoht kei Zwifel. Vor öppe ere Stund het AZ-Online uf em Liveticker s Iisammle vo de Stimmzettel gmeldet, es Ergäbnis isch aber no nöd bekannt. Aber eis isch sicher. Hüt am Abig wird z Wettige gfeschded. D Bevölkerig isch uf Viertelabföifi in d Turnhalle vom BEZ-Schuelhuus iiglade und spöter gönd d gladene Gäscht noch ins Tägi, wenn d Wettiger Nochrichte richtig informiert sin.
Mir gratuliere an dere Stell scho härzlich em Markus Dieth und wünsched ihm alles Gueti für sie Präsidiumsjohr im Grosse Rot.