Gester het Wettige de Markus Dieth gfiered. De Grossi Rat het ihn am Namittag mit 132 Stimme zum Grossratspräsident und dami höchste Aargauer für 2015 gwählt gha, en Grund zum Fiere!
Vieli Lüt us Politik, Wirtschaft und Gsellschaft hei sich ab em Viertelvorföifi in der Turnhalle vom BEZ-Schuelhuus versammlet. Näbe vilne Wettiger sind au Grossrät und d Regierigsrät derbi gsi. Au d Aargauer Bundesrätin und Parteikollegin vom Markus Dieth isch zu dem Fest uf Wettige cho. Nach einige kurze Aasproche und de Verleihig vomene Orde durch d Spanischbrötlizunft an de zuekünftig Gmeindsamma vo de Fusionsgmeind Aquae Hewettigae sind di gladene Gäst dann bald ins Täge zum witerfiere.
Foti: Dank an de Lutz Fischer-Lamprecht, dass mir sis Föteli dürfe bruuche.
Wettiger Nochrichte 