In de letzte Täg, Woche und Mönet hei mir scho öfter über grösseri Bau- bzw. Abrissprojekt brichtet, so vom Abriss vo de ehemolgie Druckerei Häfliger, em Wycom-Gebäud, de City-Garage und vom Neubau uf de Parzelle vom Pfyfferhuus. Wi s Badener Tagblatt hüt brichtet, isch au de Abriss vom Kino «Elite» planed. D Marketingchefin vo de «Sterk Cine AG», d Franziska Sterk, het gegenüber em Badener Tagblatt gsaid: «Das Elite zu erneuern, ist ein Wunsch, den wir schon lange hegen.» D Neubau, für den aber noch keis Baugsuech gstellt worde isch, soll so viel Sitzplätz ha, wi s jetzig Kino. Mir vo de Wettiger News vermuete, dass de Neubau höcher wird si, wie die jetzig Überbauig, so dass gliichzitig neue Wohnruum würd entstoh. Zudem gits au Hiwiis, dass s benachbarti Winkelried au abgrisse wird. Jedefalls sind mir au in dem Fall gspannd, wi sich Wettige wird entwickle.
Wettiger Nochrichte 