De Abriss vo de City-Garage, die de Fabian Schmid für ois uf Facebook so iidrücklich dokumentiert het, goht witer voran. Es stoht numme noch s Eckhuus. De ganz Rest isch, vo e paar Muurrest abgseh, abgrisse worde. In de nächste Täg gohts mit em Abriss witer und bis zum Frühjohr 2017 soll die neu Garage eröffned werde, mit Usstelligsrüüm und ere Werkstatt. Dazu chömmed, wie s Badener Tagblatt hüt melded, insgsamt 21 Wohnige, dadervo 3 Attika-Wohnige, wo teilwiis verchaufd werded.