75 Johr Reformiirti Chile Wettige – en Grund zum Fiire!

Reformierti Chile WettigeDi jungi Chilegmeinde, wo erscht im 1920 gründt worde-n-isch, isch muetig gsi, wo si s Projäkt von ere eigede Chile in d Händ gnoh het. Zu dere Ziit het es an allem gfählt, bsunders am Gäld. Im Herbscht 1939 isch us em Traum dann Wirklichkeit worde und di reformiirt Chile het chönne iigweiht werde. 75 Johr spöter isch das für d Chilegmeind en Grund zum Fiire.

Am Wuchenänd vo Fritig, 5. bis zum Sunntig, 7. Septämber finde in de Chile und im Chilegmeindshuus an de Etzelstroos 22 verschidnigi Aaläss schtatt, wo extra di unterschiidliche Generatione und verschidnigi Interässe berücksichtige. S Gsamtprogramm gseht so us:
Fritig, 5. Septämber
um 17.30 Uhr Andrew Bond-Konzert in de Chile
um 20.00 Uhr Eröffnig vo de Usstellig mit eme Apéro im alte Unterrichtszimmer D Usstellig zeigt sowohl d Gschicht, wi au d Gägewart vo de Chile und de Chilegmeind und wagt au en Blick in d Zuekunft. Es sin au die Name vo allne Lüt z finde, wo in de Chile tauft oder konfirmiirt worde sind und alli Brutpaar, wo derte ghürote hei. D Usstellig isch au am Samstig vo 13.00 bis 16.00 Uhr und am Sunntig vor em Gottesdienst und vo 11.00 Uhr bis um 17.00 Uhr göffnet.
Samstig, 6. Septämber
13.30 Uhr bis 16.00 Uhr Kindernachmittag «Chile und Chilegmeindshuus entdecke» (für Chind ab em grosse Chindsgi)
ab 19.00 Uhr Filmnacht für Jugendlichi im Jugendruum
ab 20.00 Uhr Oldie-Fez, Saal im Chilegmeindshuus
Sunntig, 7. Septämber
10 Uhr Feschtgottesdienscht
aaschlüssend Öpfelbaumpflanze und Apéro mit Aasproche (glichzitig gits en Chinderapéro)
ab 12 Uhr Chilegmeindsfäscht
17 Uhr Konzert « Freude, schöner Götterfunken»
vo Lutz Fischer-Lamprecht 

Witeri Informatione gits uf de Jubiläumswebsite: www.öisiläbigchile.ch

Advertisements