Im Reformierte Chilegmeindshuus het vorgester d Theatersaison aagfange. Bi de Komödie «Bisch sicher?» vom Rolf Brunold und em Peter Kaufmann führt d Romy Schibli Regie. Au gester hets e Vorstellig geh und am 23. und 24. Jänner gohts jewils um acht am Obed witer. D Sunntigsvorstellige vo hüt und em 25. Jänner (jewils um zwei) sind für Wettiger AHV-Bezieher reserviert. Im Stück gohts um en Unternämer, wo ne Geburtstagsparty fiered. Die Party laufd ganz anderst, wie sini Frau sich das vorgstellt het. Wie? Das verrote mir an dere Stell nöd. Billett cha me unter de Natelnummer 079 565 01 56 vom Mentig bis am Fritig zwüsche zwei am Namittag und em achti am Obed reserviere.