Wie erscht jetzt bekannt worde isch, het en Iibruch-Diebstahl z Wettige, wo vor öppe drü Johr für Ufregig gsorged hed, scho damals es guets End gnoh. Damals sind bi de Peter AG in de Landstroos Teppich im Wert vo 280’000 Franke gstohle worde. Will d Iibrecher numme exklusivi Wahr usgwählt hei, isch schenll klar gsi, dass das Profis müent gsi si. Wie s Badener Tagblatt hüt brichted, het de Iiwohnerrot und Gschäftsfüherer vo de Peter AG, de Markus Haas scho e paar Däg nach em Iibruch es Telifon vo de Polizei übercho, will es Sondereinheit z Züri das Diebesguet het chönne sicherstelle. Bekannt worde isch das jetzt, will d Iibrecher vor em Bundesgricht gäge es Urteil vom Zürcher Obergricht hei rekuriert gha. Die Iisproch isch vom Bundesgricht aber abgwise worde.