Blick über de Gartehaag: Am Schuelhuusplatz gohds bald los

De Schuelhuusplatz z Bade

De Schuelhuusplatz z Bade

De Umbau vom Schuelhuusplatz z Bade wird au für eus Wettiger Folge ha. S Verkehrsdepartement vom Kanton Aargau hed jetzt nöcheri Informatione veröffentlichd. Die über zweijährig Bauziit wird am 3. Juli, also grad mit em Beginn vo de Summerferie starte. Will d Chrüzig eini vo de am meiste befahrene Chrüzige in de Schwiiz isch, sind alli gspannd, welli Uswürkige die plante Umfahrige mit sich bringed.
Ab em 21. Juli isch d Verkehrsführig iigschränkt, soll aber bis zum Abschluss vo de Bauarbeite Endi 2017 gliich bliibe.
Mit em Auto cha me vo Wettige her über d Hochbrugg numme no rächts abbiege und zwar in d Grabestroos, d Kirchstroos, d Widi Gass und d Bruggerstroos. Retour über d Hochbrugg gohds numme vo de Grabestroos, de Kirchstroos und de Widi Gass us. Vo de Melligerstroos her muess me links ab uf d Bruggerstroos und dann über d Brugg uf Obersiggethal. We me uf de Bruggerstroos Richitg Wettige unterwägs isch, gohds über d Neuehoferstroos und Neuehof uf Wettige.
Anderst isch es, we me z Fuess, mit em Velo oder em ÖV uf Bade wot. Da isch es während de ganze Bauziit möglich, d Hochbrugg in beidi Richtige z bruuche.

Advertisements