D Ersatzwahle für d Neubsetzig vom Grichtspräsidium vom Bezirksgricht Bade sind z Wettige uszähld. Es isch de erschti Wahlgang gsi.
Am meiste Stimme hed d Natalie Sax un zwar 1558. Uf em zweite Platz isch de Daniel Peyer (CVP) mit 1477 glanded und d Gbriela Furter hed 901 Stimme übercho. Wenn s Ergäbnis vom ganze Bezirk vorliegd, wird sich zeige, obs en 2. Wahlgang bruuchd.
Im Bezirk isch d Reihefolg bi de Kandidatinne und Kandidate die gliich wie z Wettige. Wil niemed die absoluti Mehrheit übercho hed, isch am 18. Oktober de 2. Wahlgang.
Wettiger Nochrichte 