D Frist, in dere me hed chönne Föteli für eusern Sommer-Photo-Wettbewerb iireiche, isch vorbi. Drei Persone hei es Föteli iigreihd, da drunter euseri fliisige Foto- und Videolieferante Lutz Fischer-Lamprecht und Fabian Schmid. Di dritt Foti stammt vom Daniel Egloff und isch die einzig, wo z Wettige entstande isch.
Will alli Föteli über Facebook iigreichd worde sin, laufd au d Abstimmig über d Siegerfoti über Facebook. Mir erstelled uf Facebook en Biitrag mit dem Artikel, werde im Aaschluss alli drei Föteli wie en Fotikommentar veröffentliche und d Läserinne und Läser chöi mit eme “Like” ihre Favorite bstimme. Die Foti, wo zum Schluss am meiste Stimme hed, hed gwunne.