Kapo markierd Präsenz in de Quartier

Es Polizeiauto a de LandstroosIsch euch das au scho ufgfalle? Fahrzüüg vo de Kantonspolizei, wo eifach eso am Strosserand parkierd sind!
Es sind scho e paar Aafroge bi eus glanded, will die Fahrzüüg uffalle.
Wie s Badener Tagblatt hüt melded, sind die Fahrzüüg absichtlich in Wohnquartier parkierd. Sie falle ebbe nöd numme di Iiheimische uf, sondern au potentielle Iibrecher und würked damit präventiv. D Polizei hed au scho en Abnahm vo Iibrüch festgstelld. En witere Näbeeffekt hei die parkierte Fahrzüüg au noch: S Littering und Sachbeschädigunge hei in de Umgebig vo de Fahrzüüg au abgnoh, will ebe nie klar isch, ob nöd ganz in de Nöchi en Polizist isch.

Advertisements