Gester Nacht sind vieli Wettiger us em Schlof ufgschreckd oder hend nöd chönne iischlofe, wil öppe ab em halbieis en Helikopter oder es ähnlichs Flueggrät ziemli viel Lärm gmachd hed. D Aafrog vo eim vo eusern Läser bi Radio Argovia hed ergeh, dass es uf de A1 bi Neuehof in Richitg Bärn e Grosskontrolle durch d Polizei und d Armee geh hed. Radio Argovia vermueted en Zämmehang mit de Comex 15, wo vom 16. bis zum 25. September in de Nordwestschwiz stattfind. Will Conex 15 en WordPress-Blog betriebd, wo immer am Abe aktualisierd wird, hoffe mir, dass hüt am Abe mehr z erfahre isch. Au bi de Gmeind Wettige hend mir e Aafrog plazierd und werde es eusne Läser mitteile, wenn mir meh wüsse.
Advertisements
