Projäkt «First Responder» für de GF-Aaerkennigspriis nominiirt

Scho am 2. Juli 2014 hets Projäkt Projekt «First Responder» gstartet, wo de Samariterverei «Lägern Wettingen» in Zämenarbet mit de Gmeind lanciirt het.
Jetzt ischs Projäkt für en Priis nominiirt worde, wo am 17. Novämber z Aarau verliihe wird. D Veraastaltig findet im Rahme vom 2. Aktionstag «Psychische Gesundheit» im Kultur- und Kongresshuus statt, und näbem Hauptpriis, wo für Projäkt us em Beriich vo de psychische Gsundheit reserviirt isch, gits au en Anerkennigspriis, zu dem Projäkt hei chönne aagmeldet werde, wo de allgmeine Gsundheitsförderig diene. Vo de 19 Organisatione, wo sich für de Aaerkennigspriis beworbe hei, sind foif nominiirt worde, da drunter de Samariterverei fürs Projäkt «First Responder». Obs dann für de Priis langet, wird sich bi de Priisverleihig entscheide. Mit vo de Wettiger Nochrichte drucked uf jede Fall d Duume.

Advertisements