4. Swiss Futsal-Camp Aargau z Wettige

Vom Mändig 5. Oktober bis am Fritig 9. Oktober findet bereits s 4. Futsal-Camp i de Sporthalle Tägerhard statt.

Für alli Teilnehmende Chend und Jugendliche ged das e unvergeslichi Woche ,mit veel Spass am Spiel und Freud am Sport.

Zudem erwartet s Organisations- und s Trainer-Team um de Pedro, Marco und Alessandro einige Fussballstars us de Raiffeisen Super Liga und us de Swiss Futsal Premier Liga.

Bereits am Sonntig 4.Oktober, ab 14.30 Uhr findet es Top-Spiel vo de Swiss Futsal Premier Liga statt.

Es spieled d AFM Futsal Maniacs us Wettige gege Pro Futsal us Lugano.

Det chönd alli Intressierte Bsuecherinne und Bsuecher sech es Bild vo dere relativ neue Halle-Fuessball-Sportart mache, wo sehr rasant und idrucksvoll esch.

D AFM Futsal Maniacs us Wettige würdet sech freue über zahlriichi Bsuecherinne und Bsuecher am Sonntig i de Sporthalle im Tägi z Wettige.

futsal

Advertisements