De Heli, wo am letschte Fritig im Tüfflug über Wettige unterwägs gsi isch, het Ufnahme für d Immobilieverwaltig von ere Schwiizer Pensionskasse gmacht, so het ois en Sprecher vo de Heli Sitterdorf AG mitteilt. Er het betont, dass s BAZL Tüfflugbewilligunge für Fotiufnahme erteilt, wenn d Flüg zu Büroziite aneme Werktag erfolge und d Ufnahme kein Sensations-Charakter heige. D Gemeind müsessi im Vorus informiirt werde, was de Fall gsi sig, wi d Gmeind Wettige ois mitteilt het.
De Heli vom letschte Fritig het Ufnahme für e Pensionskasse gmacht
Wettiger Nochrichte 