De Christian Steimer (27) hett im Summer erfolgrich sini Usbildig zum Winzer abgschlosse. Nach em Abschluss vo sinere erschte Lehr als Landmaschinemechaniker, het er sich dezue entschlosse e Zweitusbildig als Winzer z mache. Er wird i es paar Jahr de elterlich Betrieb öberneh und luege, dass s Winzerhandwerk au in Wettige wiiter gaht. Am 27. und 28. November findet ufem Lindeplatz sini Degustation und s Treberworschtesse statt, wo au scho im letschte Jahr en volle Erfolg gsi esch. Nebscht de zwei eigne Wyy vom Christian gits natürli au s ganze Sortiment vo Steimer Wiibau z degustiere. De Christian, d’Familie Steimer und s ganze Team freued sich uf de Bsuech.
Wenn: Am Friitig 27. November vom 6ii am Obe bes am 10nii, Samschtig 28. November vom 4ii bes am Obe am 10nii
Wo: Am Lindeplatz grad nebe de St. Sebastians Chille.
En Wettiger Jungwinzer stellt sini Wyy vor
Wettiger Nochrichte 