Sit em April 2015 isch de Fussgängerwäg entlang de Iisebahnbrugg uf Bade gsperrt, will de Wäg verbreiteret wird, damit au Velo dörfe drüberfahre. Sither sind d Wäg uf de Badener Site verbreiteret worde und uf de Wettiger Site sind d Fortschritt au dütlich z gseh. Zudem isch de Wäg entlang vo de Brugg verbreiteret worde. D Arbeiter sind in de Zwischeziit am Abbaue vom Grüscht.
Oisi Aafrog bi de Bauverwaltig vo de Gmeind het ergeh, dass d Brugg am 12. Dezember für d Öffentlichkeit söll göffnet werde. Wenn es also nöd zu grössere Verzögerige chunnt, dann gits in nöd emol zwei Woche e gäbigi Velo-Verbindig uf Bade und d Fussgänger werde au froh si, wenn de Wäg breiter isch, so dass d Velofahrer, wo d Brugg eh gnutzt hei, kei Gfahr meh darstelle.
Wettiger Nochrichte 