Zum noie Johr!

Liebi Läserinne und Läser
Mir hei es begwegts Johr hinter öis mit vilne positive Rückmeldige und ere stiigende Aazahl Klicks uf öiseri WordPress-Site. Aber öis gohts ja nöd um d Klicks sondern um d Nochrichte us und über  Wettige, wo dann von ganz elleige aaklickt und gläse werde. Um öich witerhin Nochrichte möglichscht ziitnöch chönne zur Verfüegig z stelle, sind mir uf öich und öiri Informatione aagwise, sigs en fertige Mundartartikel (das isch öis am liebschte!), en Artikel uf Standardsprooch oder Informatione per Mail (wettigernews(at)gmail.com) oder d Nochrichtefunktione uf Facebook, Twitter oder Google+. Im vergangene Johr het das scho guet chlapped und mir danked allne härzlich, wo de eint oder ander Artikel für d «Wettiger Nochrichte» gschribe hed. Mir froied öis aber au über witeri spontani oder au regelmässigi Autorinne und Autore.
Öich allne wünsched mir es guets nöis 2016!
Fabi und Lutz
Redaktion vo de Wettiger Nochrichte

Advertisements