Nochruef uf de Otto Felder

Kurz vor em Johreswechsel, am 29. Dezember 2015 isch de Metzgermeischter Otti Felder in sim 75. Läbesjohr gstorbe. Öis vo de Wettiger Nochrichte het di Nochricht sehr betroffe gmacht, so dass mir im Otti en Nochruef widmed.
Im Johr 1969 isch er mit sinere Frau Susi uf Wettige cho, wo di beide an de Bahnhofstroos 4 e Metzg übernoh hei. Mit viil «Fleiss und Elan» hei di beide e Metzg ufbaud, wo mit Qulität, Kreativität und  Engagement für d Kundschaft wit über Wettige use beliebt und gschätzt isch. Im 2008 hei si s Geschäft an d Tochter Denise und im Schwigersohn, em Res Zimmermann übergeh. Glichwohl isch de Otti im Gschäft aktiv blebe und het nach wi vor au im Ladse d Kundschaft bedient. E bsunderi Froid isch es ihm gsi, im 2009 s 40-jährige vo de Metzg mit de Familie, Fründe und de Kundschaft z fiire.
Au userhalb vo de Metzg isch de Otti um s gsellschaftlichi Läbe und fürs Gmeinwohl aktiv gsi. Er het d Kiwanis vo Wettige mit gründed, isch Präsident vom Jodlerclub Bade und vili Johr mit de Musikgsellschaft Wettige-Chloschter verbunde gsi. Au zu de reformiirte Chilegmeind het er e engi Bezihig gha. So wird de Otti nebe sinere Familie noch ganz vilne andere Mensche fehle, au öis. Mir vo de Wettiger Nochrichte entbiete em Otti sinere Familie öisers ufrechts Bileid!

Advertisements