Au scho über d Fründe-App gschtolperet?

Wettige isch ja nöd abgschottet vo de grosse wite Wält und so sind mir uf es Thema gstosse, wo alli iPhone-, iPad- und iPod touch-Nutzer betrifft, nöd numme di z Wettige.

 Wer sis iOS uf d Version 9 updated het nämlich plötzlich es App meh uf sim Grät, au wenn er/si das nöd het welle. Apple installiirt ab em iOS 9 automatisch d App “Freunde”. Mit dere App cha me luege, wer vo de Fründe wo isch. Di guet Nochricht isch: das goht nöd automatisch, sondern me muess zustimme. Und es cha verlockend si di App z aktiviire. Me weiss dann grad scho, ob meh vo de Fründe graf im Zwyssighof oder in de Sunne (oder wo au immer) sind und me cha sich Whatsappnochrichte spare. Glichwohl het de Gebruuch vo dere App au sini Risike. Muess würklech jede vo mine Fründe zu jeder Zit wüsse wo ich bzw. mis Natel gtad isch? Und muess Apple e setigs App installiire ohne um Erlaubnis z fröge? Was meinet ihr?

Advertisements