Am Sunntig, 13. März 2016 isch um elfi d Vernissage vo zwei Usstellige in de Galerii Gluri Suter Huus. Zum eine wird d Sammlig vo de Theresia und em Karl Ricklin präsentiirt, zum andere d Usstellig «Next Stop».
Bi «Next Stop» werde Werk vo de Esther Amrein, em Tinoi Fröhli, de Sara Rohner, de Milena Seiler und andere präsentiirt. Bi de Vernissage wird de Kurator vom Gluri Suter Huus, de Rudolf Velhagen in die Usstellig iiführe.
In d Sammlig vo Ricklins, wo im 2014 als Legat an d Gmeind Wettinge gange isch, wird de Ruedi Sommerhalder iiführe In dere Sammlig finded sich Schlüsselbilder vom Max Gubler, de Ilse Weber, em Adolf Weber und vom Werner und de Ruth Wälchli, aber au Skulpture vom Walter Huser, em Eduard Spörri und em Cesco Peter.
Beide Usstellige laufed bis am 24. April, di übers Legat Rickli no einisch vom 29. Mai bis zum 26. Juni. S Gluri Suter Huus isch in dere Ziit vom Mittwoch bis am Samschtig vom drü am Namittag bi sum sächsi am Abe odde und am Sunntig vom elfi bis um föifi.
Wettiger Nochrichte 