Am Mittwoch isch wider Früehligsmärt

Für vili Lüt isch de Früehligsmärt z Wettige en wichtige Träffpunkt. Jetzt isch es wider so wit.
Durch d Landstroos schlendere, hi und da öppis poschte, alti Bekannte träffe, öppis ässe und no vil meh: Das bedüted de Märt für di, wo gärn göhnd. Morn, am Mittwoch, 30. März 2016 isch es wider so wit. Organisiirt wird de Märt vom Schwiizerische Märtfahrerverband, Sektion Züri. Zwüschem Rabechreisel und de Center-Passage wird d Landstroos gsperrt si und so vil Platz biete für d Märtständ und vili Bsuecherinne und Bsuecher.