Di aktuell achti Noteserie vo de Schwiizer Nationalbank (SNB) isch sit em 1995 in Umlauf. Jetzt wird di nünti Serie nadisna iigführt.
Mit de Gründig vom Bundesstaat im 1848 ischs Münzwese endgültig vo de Kantön uf de Bund übergange. Nachdem di erschte Banknote vo Gschäfts- und Kantonalbank usegeh worde sind, het ab Ende 1907 numme no d SNB, wo im 1906 gründed worden isch, s Rächt gha, Nötli usezgeh.Jetzt wird di nünt Serie in de Schwiiz und dadermit au z Wettige iigführt. De Aafang mached di noi 50er-Note, wo hüt, em 6. April 2016 vorgstellt worde isch und ab em 12. April in Umlauf chunnt. Es Johr spöter werde dann di noie 20er-Note iigführt.
Wettiger Nochrichte 
