«Tüfflüger» über Wettige

Vilne Lüt sind si ufgfalle, d Flugzüg wo tüfer über d Gmeind gfloge sind wo normal. D Erklärig dafür isch eigentlich ganz eifach.

 Wi de Wettiger Iiwohnerrot Michael Merkli uf Facebook schriibt, sind d Bauarbeite z Klote d Ursach gsi und d Flughafebetriiber hette d Iidruck gha, dass e vorzitigi Information ehnder würd verunsichere. Dass d Verunsicherig bi tüfflügende Flugzüg ohni Erklärig grösser chönnt si, isch de Verantwortliche vom Flughafe schints nöd in de Sinn cho.

Advertisements