Bi de EVP gits einigi personelli Veränderige

D EVP-Regionalpartei Wettige-Limmattal het enigi Veränderige z Vermelde. Im Iiwohnerrot hets nach de GV en Wächsel gäh und bim Parteipräsidium stoht er bevor. Aber au schuscht het und wird einiges anderscht.

1509002_859497994160108_1616485974727391669_n

Di drü Iiwohnerröt vo de EVP

Bim Rückblick ufs Johr 2015 het d Präsidentin Hanna Läng bsunders d Polystyrolsammlig erwähnt, wo zum 22. und letschte Mol i dem Rahme stattgfunde het. Insgsamt het d EVP sit em 1993 öppe 400’000 Liter Polystyrol gsammled und d Präsidentin het sich bsunders de Andreas Rufener verdanked, fürs sis langi Engagement. S Polystyrol cho noi bim Entsorgigplatz uf de Untere Geiswiis abgeh werde. D Witerentwicklig vom Wertstoffrecycling vo de Gmeind wird für d EVP es Thema bliibe.
Us em Iiwohnerrot het bi de GV d Helen Suter brichted, wo sit em 2010 im Rot Mitgliid isch gsi. Nach ihrem Rücktritt uf Ende Januar 2016 isch in de März-Sitzig vom Iiwohnerrot de Lutz Fischer-Lamprecht in d Pflicht gnoh und au in d Gschäftsprüefigskommission gwählt worde. Au im Vorstand hets und wirds Veränderige gäh. De langjährig Aktuar Urs Peter isch zruckträte und d Präsidentin, d Hanna Läng, wird im Sommer de Stab an de Lutz Fischer-Lamprecht witergäh, aber als Iiwohnerrötin Mitgliid vom Vorstand bliibe. Mitgliider vom Vorstand sind: D Helen Suter, de Lukas Rechsteiner (Kassier), d Heidi Fausch (Killwange, Aktuarin), d Karin Gellert (Vizepräsidentin), und di drü Iiwohnerröt.

Advertisements