Geschter sind drü mutmasslichi Iibrächer z Wettige verhaftet worde

Mit tatkräftiger Unterstützig vo Privatpersone het d Polizei drü Iibrächer kurz nach de Tat chönne feschtnäh.

Einbruch_Kapo_Aargau (Symbolbild)

Symbolbild, Quelle: Kantonspolizei Aargau

En Aawohner het am Mittwochnamittag, 11. Mai 2016 in sim Nachbarhuus zwei Iibrächer beobachtet, wo gflüchtet sind, wo si gmerkt hend, dass si entdeckt worde sind. De Aawohner het sofort d Polizei alarmiirt, wo mit mehrer Patrouille nach dem Duo gfahndet hend.
Kurz druf het en anderer Bewohner vom Quartiir drü Lüt gseh, wo durch sin Garte grännt sind. Er isch z Fuiess hinterher und het e junig Frau chönne stelle. Si isch kurz druf vo de Polizei verhaftet worde. Au di beide andere het Polizei chönne ufspüre und zwar bi eme Bootshuus bi de Limmig. Alli hend sich widerstandslos lah feschtnäh.
Gäge alli drü isch e Strofuntersuechig eröffnet und en Aatrag uf Untersuechigshaft gstellt worde.

 

Advertisements