D Firma Käufeler AG het ihres 110-jährigi gfiired

Es isch scho e Woche her, dass s Familieunternähme sis 110-jährigi Bstoh gfiired het. Bald isch di 4. Generation am Ruder.

Käufelerkreisel .jpg

De Käufelerkreisel gits sit em 100-jährige Jubniläum (Foti: Benutzer Wettinger, Wikimedia Commons, Lizenz CC BY-SA 3.0)

De Sanitär- Spengler- und Heizigsbetriib Käufeler AG isch vo Wettige nöd wegzdenke und mit sine öppe 60 Mitarbeiter isch er au en wichtige Arbeitgeber z Wettige, wo vili KMU aasässig sind, aber kei grossi Konzern. S Jubiläum isch gross gfiired worde.
Zerscht het d Firma mit Lüt us de Wirtschaft und de Politik gfiired, am Samschtig  sind alli zum «Tag vo de Zuekunft» iiglade gsi. «Hüt muess en Betriib sich um Lehrling bemühe», so het es de Bruno Käufeler, de Patron vum Unternähme gegenüber em Badener Tagblatt begründet. D Bsuecher het de Zuekunftstag guet gfalle und de SVP-Gross- und Iiwohnerrot Daniel Frautschi het es so uf de Punkt brochd: «D Lehrling sind alli im Vorstelligsprogramm integriirt gsi und hend de Bsuecher ihres Wüsse chöne zeige.» So isch de Zuekunftstag en voller Erfolg gsi.

Advertisements