FDP unterstützt bi de Gmeindrotswahle d SVP

Bi ere ausserordentliche Parteiversammlig het d FDP Wettige bschlosse, de SVP-Kandidat Franz-Beat Schwere z unterstütze. Er kandidiirt für d Nochfolg vo de SP-Politikerin Yvonne Feri.

Di bisherige Kandidate Kirsten Ernst (SP) und Franz-Beat Schwere (SVP)

Wi d FDP mitteild, isch de Partei Fortschritt und Stabilität in de Exekutive es Aalige. Us dem Grund verzichtet si uf e eigedi Kandidatur für d Gmeindrotswahl am 25. September 2016. D Stimmbürgerinne und d Stimmbürger werde a dem Sunntig über d Nochfolg vo de Yvonne Feri im Gmeindrot entscheide, wo uf Ändi 2016 zruck tritt. D FDP Wettige het in ere usserordentliche Parteiversammlig bschlosse, di bürgelich Gegekandidatur vo de SVP z unterstütze und so e SP-Gmeindrötin z verhindere. D SP tritt zu de Wahle mit de Schuelpflegerin und Iiwohnerrötin Kirsten Ernst aa.

Ob Wettige in Zuekunft wi sit aafangs Amtsperiode vo zwei Linke, eim Parteilose und viir Rächte oder noi vo füf Rächte, ein Linke und eim Parteilose regiirt wird, werde d Wähler im Herbscht entscheide. Bi letschterm Szenario wär mit de Antoinnette Eckert (FDP) numme no ei Frau im Gmeindrot. Möglich sind au no witeri Kandidature. De Aameldeschluss dafür isch am Fritig, 12. Auguscht 2016 um zwölfi am Mittag.

Advertisements