Z Wettige sind scho fascht viir Schulferiewoche vorbi und Ändi nächschti Woche faht für d Chind d Schuel oder de Chindsgi wider aa. D Hauptferieziit isch dadermit vorbi.

Einer vo oiserne Redaktore isch uf ere Nordseeinsle gsi (Foti: ZVg)
Vili Lüt sind scho us de Ferie zruck oder chömmed demnächscht wider uf Wettige. Mir interessiired ois für das, wo ihr i de Ferie erläbt hend, wo n er gsi sid und ob ihr in de Ferie zufällig anderne Wettige begegnet sit. Gärn chönned ihr d Kommentar- bzw. Antwortfunktion hiir,  uf Facebook, Twitter oder Google+ bruuche, wenn ihr Ferieerläbnis mit oisne Läserinne und Läser wend teile.