Nach de Informatione, wo bi de Baustell vom Webermühlilift ufghängd sind, het de Lift im Juli 2016 de Betriib sölle ufneh. Der Termin wird definitiv nöd iighalte.

   D Wincasa, wo für d CS Immobilie d Webermühli  verwaltet, baued en Lift vom Webermühlisteg zu de Alberich Zwyssigstroos. In de letschte Woche hend d Arbeite grossi Fortschritt gmached, aber zu de Inbetriibnahm, wo uf Juli 2016 planed gsi isch, langeds nöd. Uf de Baustell sind no einigi Arbeite zu erledige, bis für älteri und gehbehinderti Lüt und für Chinderwäge e komfortabli Möglichkeit bestoht, de Serpentinewäg z umgoh.