Im ehemolige Metropol produziert d Arwo sit em Früehlig 2015 Teiware und anderi Läbesmittel. Hüt, Samschtig, 6. Auguscht het me di frisch koched vor em Arwola chönne gnüsse.

De Heinz Ammann isch en echte Profi, wenns ums Ässe goht. Als ehemoliger Chuchichef leitet er trotz AHV-Alter d Teigwareproduktion im ehemolige Metropol. Hüt het er wider emol de Kochlöffel gschwunge und dene wo zum Arwola cho sind, Teigware mit Pesto und andere Sauce serviirt. Wo mir um viirtelabdrü mit ihm gred hend, isch er recht z fride gsi. Achtzg Menue het er mit sim Mitarbeiter scho verchauft gha und so Werbig für d Lebesmittel gmached, wo d Arwo herstellt und über de Arwola und en Webshop verchauft.