Am Samschtig isch di «Langi Nacht vo de Chile»

Zumindescht in dem Usmass gits das zum erschte Mol i de Schwiiz: Im Aargau sind am Samschtig bis Mitternacht vili Chilene göffnet und es finded verschidnigi Veraastaltige statt. 80 Chilegmeinde und Pfarrei sind beteiliged, au viir Chile z Wettige sind derbi.

Di «Langi Nacht vo de Chile» gits z Öschtriich scho es Zitli, aber hiir bi ois isch es noi. Z Wettige werde am Samschtig viir Chile es bsunders Programm aabiete. Au wenn es im Rescht vom Kanton erscht um zehabsechsi los gohts, so fallt de Startschuss z Wettige mit  em gmeinsame Glockelüte um foifi. Dann wird es bis um zwölfi verschidnigschti Veraastaltige geh. Mir vo de Wettiger Nochrichte hend mit em Peter Zürn drüber gred, was ois alli in de Wettiger Chile St. Anton, St. Sebastian, de Chloschterchile und de reformiirte Chile erwartet. S Programm vo de Wettiger Chile finded sich hiir: http://www.ref-wett-nhf.ch/files/BXMediaPlusDocument2156file.pdf

Advertisements