Hüt sind kantonali Wahle

De 23. Oktober 2016 isch de Wahltag! Für de Regiirigsrot und de Grossi Rot sind Gsamternoierigswahle.

Abgseh vo de Spannig an sich, isch de hütig Wahltag für Wettige öppis bsunders. Vo de aagmeldete 14 Kandidate für de Regiriigsrot sind rekordverdächtigi viir us Wettige: De Markus Dieth, d Yvonne Feri, d Ruth Jo. Scheier und d Mia Gujer (in de Reihenfolg vo de Wahlchance). De Markus Dieth gilt allgemein als sicherer Kandidat und me traut im zu, scho im erschte Wahlgang s absolute Mehr z schaffe, um Nachfokger vom Roland Brogli z werde. Vo de Kandidate, wo sich im Prinzip um d Nachfolg vo de Susanne Hochuli bewerbe (obwohl es so en direkte Zammehang ja nöd git), isch unter de Wettiger Kandidatinne d Yvonne Feri di einzig,wo me zuetraut, am absolute Mehr nöch z cho. Wi immer bi Wahle: Hiir wi da cho es zum Schluss vo einer Stimm abhänge.

Bebe de Regiirigsrotswahl verspreched au di fürs Kontonsparlament spannend z werde. 52 Lüt vo Wettige kandidiired für de Grossi Rat und damit um eine vo de 30 Sitz, wo im Bezirk Bade zustönd.

D Urne schliissed jetzt de grad und dann gohts ans Uszähle!

Advertisements