Chind vo de Musikschuel hend für Seniore musiziirt 

D Verena Wüsthoff, Flötelehrerin vo de Musikschuel Wettige het mit ihre Flöteklass im Alterszentrum St. Bernhard gspilt.

Für d Bewohnerinne und Bewohner vom St. Bernhard isch es immer e bsunderi Froid, wenn Chind ins Alterszentrum chömmed. Am Samschtig, 5. November 2016 isch e settigi Glägeheit gsi.

Lieder us verschidnige Länder und Zite hend d Schüelerinne und Schüeler de interessiirte Zuehörerinne und Zuehörer präsentiirt. Derbi gsi sind Chind, wo zum erschte Mol vor Publikum gspilt hend und anderi wo für en kantonale Wettbewerb am Probe sind und settigi wo scho e gwissi Routine hend im Uftritt vor Publikum. Nach öppe ere Stund isch s Konzert dann vorbei gsi und d Seniore hend d Schüeler mit vil Applaus verdankt.

Advertisements