S Gartejohr goht z End

Im Rahme vom Schwiizerische Gartejohr hend Schülerinne und Schüeler vo de 4c us de Bezirksschuel (BEZ) Iiblick in Wettiger Gärte übercho. Hüt hend si im Rathuussaal ihri Ergäbnis präsentiiert. Wer sich dafür interessiirt cha d Präsentation noch in dere Woche gah aaluege.

img_1304Bi de Vernissage vo de Präsentation vo de Schüelerinne und Schüeler isch vil vom Engegement z gschpüre gsi, wo alli Beteiligte ins Projekt gsteckt hend. Aagfange bi de Initiantin, de Marie Louise Reinert, wo sich scho lang und engagiirt für de Ortsbildschutz und ebe au für de Erhalt vo de Gartestadt iisetzt. Fürs Gartejohr het si e Klass gsuecht, wo bereit gsi isch, sich jewils z zweit einisch im Monat für en Garte z interessiire und sich in ihm z engagiire. Fündig worde isch si bi de Schüelerinne und Schüeler vo de 4c vo de BEZ und de Klasselehrerin Dorothe Zürcher.
Hüt am Sunntig, 6. November 2016 hend d Schüelerinne und Schüeler, beriichered durch Musik vo Schüelerinne und Schüeler vo de Musikschuel, ihri Erfahrige und Erläbnis in de Gärte vorgschtellt, eigedi Produkt zum deguschtiire aabote und mit Plakat witeri Informatione zur Verfüegig gstellt.

Vo Mentig, 7. bis zum Fritig 11. November cha me d Präsentatione jewils während de Öffnigsziite vom Rothuus gah aaluege. Am nächschte Samschtig und Sunntig isch d Usstellig zudem vom zwoi bi um foifi am Namittag offe.

Und hiir isch oise Videobitrag dazu:

Advertisements