In de Schwiiz landed 33% vo de gnüssbare Lebesmittel uf em Müll. «Tischlein deck dich» versuecht Gegestüür z geh und Armuetsbetroffene dadurch z hälfe.

helen«Tischlein deck dich» het sich uf d Fahne gschribe, zwei wichtigi Theme aazpacke. S eini isch Food Waste, also de Verluscht vo Läbesmittel irgendwo uf em Wäg zwüschem Produzent und oiserm Mage. S ander sind bedürftigi Lüt, bi dene s Geld so knapp isch, dass si Problem hend, sich gnueg Läbesmittel chönne z leischte. Dadefür betriibt «Tischlein deck dich» 118 Abgabestelle in de Schwiiz. Noi wird’s ab Aafang 2017 au eini z Wettige und zwar in de Rümlichkeite vo de Freie Evangelische Gmeind (FEG) a de Landstroos. Initiantin isch d Helen Suter und d Abgabestell wird jewils am Mentig vo virtelabzehni bis virtleabölfi offe si. Dadefür bruuchds no freiwilligi Helferinne und Helfer.

Falls öppe Interesse het, bitte direkt bi de Helen Suter melde:
Telefon: 056 426 10 45
E-Mail: hesuter(at)bluewin.ch