Wi witer mit em Tägi?

De Iiwohnerrat het mit ere grosse Mehrheit em Sanirigkredit fürs Tägi zugstumme. Am 27. November 2016 entscheided d Stimmbürgerinne und Stimmbürger über de Kredit. 

S Tägi beschäftiged ois z Wettige scho lang. De Saniirigsbedarf isch unbeschtritte. D Aalage sind zum gröschte Teil veraltet. Vili Aalage laufd sit em  1971, zum Teil gits kei Ersatzteili meh. S Bad het au scho öfter für ein oder zwei Tag müesse schlüsse, wil d Wasserufbereitig usgschtige isch und s Iisfäld het numme e vorläufige Betriibsbewilligung, wil d Iigwünnig  de hütige Aaforderige nümm entspricht.
Mir hend für oich hinter  Kulisse glueged und uns vom zueständige Gmeindrat Roli Kuster, em Betriibsleiter Kudi Müller und em Projektverantwortliche Thomas Berz zeige lah, wo Saniirigsbedarf bestoht, was bim noie Tägi wird anderscht si und welli Uswirkige d Saniirig uf de Betriib wird ha.

 

Advertisements