In eme Teil vo Wettige chunnt Kehrrichtabfuhr am Tsischtig, im andere am Donnschtig. Zur Optimiirig werded d Gränze e chli verschobe. Mit wenige Usnahme ghört s Gebiet südlich vo de Landstroos ab em 1. Januar 2017 ganz zum Tsischtigs-Gebiet.
Einsch in de Woche chunnd d Kehrrichtabfuhr vo de Gmeind zu jedere Ligeschaft z Wettige. Das wird eso bliibe. Gändered wird aber s Gebiet wo am Tsischtig bzw. am Donnschtig aagfahre wird.
Noi ghöred alli Gebiet südlich vo de Landstroos zu de Tsischtigsentsorgig mit Usnahm vo de Schwimmbadstroos, em Gottesgrabewäg und de Chloschterhalbinsle. S Entsorgigsgebiet vom Donnschtig umfassd noi s Gebiet nördlich vo de Landstroos , d Schwimmbadstroos, de Gottesgrabewäg und d Chloschterhalbinsle. D Gmeind het uf ihre Homepage d en Plan veröffentliched (lueg obe) und e genaui Lischte vo de betroffene Ligeschafte.
Wettiger Nochrichte 